Društvo

Omladina SD postavila Kuke dobrote

| 23:04:2018 | 14:50:19

Mlade Socijaldemokrate Bara su juče postavile tzv. "kuke dobrote" na nekoliko lokacija u gradu, u društveno korisnoj akciji koji su organizovali pod sloganom “Ostavi Svoje dobro Djelo” (OSD).
 
Riječ je o mjestu na kome će ljudi ostavljati hranu i odjeću namijenjenu onima koji su socijalno ugroženi.
Svako ko želi može da donese hranu i odjeću, isto tako svi koji se osjećaju u stanju životne potrebe, mogu da ih uzmu. Tzv. “kuke dobrote’’ su postavljene u Ulici maršala Tita, u Starom Baru, na autobuskoj stanici i na prostoru između marketa “Franca” i “Conto”.
 

“Svjesni da na žalost, mnogi u ovom gradu nemaju ni osnovna sredstva za život, odlučili smo se da ovim ‘kukama dobrote’ damo primjer dobrog djela, koje će, nadam se, slijediti i drugi. Omladina SD-a u Baru nastojaće da svakodnevno dopunjava ove neobične čiviluke svim sredstvima kojima bude raspolagala, a pozivamo i naše sugrađane da i najmanjim doprinosom pomognu ovu aktivnost i našu humanu misiju”, istakao je predsjednik OSD Bar Drago Drobnjak.